Já ég er flutt yfir á blog.is

http://gunnfridurelin.blog.is/blog/gunnfridurelin/

 Kíkið á það

Ég hef áður sett fram þá kenningu að margur nútímakarlmaðurinn sé í einhverskonar tilvistarkreppu þar sem margir karlmenn virðast eiga erfitt með að aðlaga sig auknu frelsi kvenna.  Mér sýnist að þetta sé ágætis sönnun þess að þetta sé ágætis kenning hjá mér

http://www.mbl.is/mm/frettir/myndskeid.html?file_id=19792

Það er nú eðli náttúrunar að þau dýr sem ekki ná að aðlagast breytingum á umhverfi deyja fljótt út svo það er nú eitthvað fyrir ykkur karlpeninginn að hugsa um

Ég var að kíkja á gamlar bloggfærslu og hefi veitt því athygli að ég var einu sinni mun skemtilegri bloggari.  A.m.k að mínu mati.  Ég tók líka eftir því að ég er algerlega stein hætt að lenda í ævintýrum og skemmtilegum uppákomum.  Ég þarf því að gera gangskör að því að laga það.  Svo núna breytum við "úti er ævintýri" í "úti eru ævintýri".  Ég þarf bara að þefa þau uppi

Endilega kvittið nú þið sem ennþá nennið að kíkja hérna inn

Kveðja

GEH

O jæja

Svona til þess að færa þessa geðvonskulegu kolefnisjöfnunarfærslu hérna aðeins neðar á síðuna þá er best að setja inn nokkur orð.  Ég er nefnilega búin að lesa metsölubóknina Introduction to Quantitative genetics eftir Falconer og Mackay í allan dag.  Það er reyndar ágætis lesning en nú held ég að ég sé búin að fá nóg í dag gott að eyða síðasta klukkutímanum í eitthvað meira léttmeti.  Það má reyndar vellta því fyrir sér hvort sú manneskja sem eyðir sólríkum sumardegi í að lesa Falconer og Mackay sé heil á geðsmunum en ég held nú að svo sé ennþá

Annars var ég nú að spá svolítið í öllum þessum læknum sem búið er að handtaka vegna hryðjuverkatilraunana í Bretland.  Ég held að ég færi og fengi álit annars læknis ef einhver af þessum hefði skoðað mig.  Bæði það að þeir virðast nú ekki leggja mikið verðgildi á mannslíf auk þess sem ég held að þeir séu alls ekki neitt yfirmáta gáfaðir.  SPurning hvaða þeir fengu sín læknispróf

Yfir og út af Óseyrinni

GEH

Var eitthvað óvenju úldinn í morgun þegar ég vaknaði, ætlaði aldrei að ##???##&& fram úr og því var hjólið ekki tekið að þessu sinni þrátt fyrir að vel viðraði til hjólreiða.  Nú í tilefni að þessum ýlduheitum í mér núna ætla ég að láta móðan mása um nýjastu patentlausn Íslendinga þ.e kolefnisjöfnun.  Eins ágæt eins og þessi hugmynd nú er svona upp að vissu marki þá erum við náttúrulega, eins og okkar er von og vísa, búin að gjörsamlega ofnota, útjaska og yfirkeyra þessa hugmynd.  Nú geta nefnilega allir keypt sér syndaaflausn og kolefnisjafnað hitt og þetta.  Já eiginlega bara næstum allt.  Gömul hugmynd færð í nýjan búning því kaþólska kirkjan stundaði þetta með góðum árangri í alda raðir og rakaði inn seðlum.  Og að sjálfsögðu smellpassar þetta allt saman inn í okkar heiladauða nútíma neyslusamfélag því fólk vill nú helst ekki þurfa að hafa fyrir því að hugsa mikið.  Og nú er fólki nokk sama um trúarlegar syndir en eitthvað verðum við nú að gera við þessum umhverfissyndum.  Enda komumst við nú ekki hjá því lengur að horfast í augu við þær.  Svo nú getum við öll keypt okkur smá frið í samviskuna með því að kolefnisjafna torfærutröllið og bensínhákinn því guð forði okkur frá því að þurfa að skipta honum út fyrir sparneytnari og minna mengandi ökutæki.  Svo maður minnist nú ekki á þá fáránlegu hugmynd að fólk gangi eða hjóli.  Það er sjálfasagður réttur allra íslendinga að bruna á fjórhjóladrifnu torfærutæki til og frá vinnu á hverjum degi.  Helst amerísku!!!!

Hrós vikunar fá Ljótu Hálvitarnir fyrir að létta lundina regluleg yfir daginn (plata vikunar á Rás2)  Lagið "Meiri bjór" minnir mig á Óðinn - einhverra hluta vegna

Góða helgi

GEH

Jæja það er kannski best að hripa nokkrar línur hérna, reyndar er sumarið ekki mikill blogg-tími, nema kannski fyrir fólk sem neyðist til að setjast fyrir framan tölvuna á hverjum degi.  Alla vegana þá kom ég norður aftur á föstudagskvöldið eftir langa og stranga daga í borginni.  Merkilegt hvað stressfactorinn þýtur alltaf upp þegar maður kemur í borgina.  Annars náði ég að gera allt sem ég ætlaði að gera í Reykjavíkinni og það meira að segja á tilsettum tíma.  Stundum ganga hlutirnir bara upp.

Nú á leiðinni norður var ég hér um bil keyrð niður af brjálæðingi á RISA STÓRUM jeppa.  Mætti honum á minni akgrein á gígantískri ferð - í blindbeygju.  Sem betur fer var ég á eðlilegum hraða og náði að nauðhemla og jeppabrjálæðingurinn náði að troða sér inn í bílaröðina sem kom á móti.  Hann uppskar langt flaut, fingurinn og manndrápsaugnaráð en því miður hugsa ég að það hafi ekki haft mikil áhrif á viðkomandi.  Kaldhæðnin var sú að akkúrat á þessum tíma var ég að hlusta á, í útvarpinu, umfjöllun um aukningu á slysum af völdum glæfraaksturs.  Mér nú svo sem nokk sama hvort þessir hálfvitar drepa sjálfan sig eða ekki.  En því miður þá ná þeir oft að taka aðra með sér í leiðinni

Heima á Svertingsstöðum var heyskapur í fullum gangi um helgina og svo hófust fastir liðir eins og venjulega á mánudaginn.  Sem sagt lífð ákaflega dægilegt þessa dagana sem og reyndar flesta aðra daga.  Fór meira að segja á hestbak í gærkveldi og tók á móti þrílembingum því sauðburður er víst ekki alveg búin á Svertingsstöðum en það er of löng saga til að segja hér.

Svo þetta er pistill dagsins.  Fremur leiðinlegur og ákaflega lítið málefnalegur en svolítið update á því hvað er að gerast

Ég varð að deila þessu með ykkur hehe

http://www.mbl.is/mm/frettir/togt/frett.html?nid=1276460

Meira síðar

eins og venjulega.  Sit eins og oftar og bíð eftir PCRinu svo ég geti farið að hafa mig heim.  Suma daga ætti maður ekki að gera neitt sem krefst mikillar nákvæmni.  Það var svoleiðis dagur í dag en við skulum nú vona að þetta hafi allt saman gengið einhvernveginn. 

Ætla að skreppa til Elsu með grillið í eftirdragi svo við getum haft það huggulegt og borða eitthvað gott og ef til vill drukkið smá bjór.  Ég tel mig eiga það skilið eftir erfiði vikunar sem er nú reyndar ekki alveg búin en það versta er að baki - vona ég.  

,þá er líklega vel við hæfi að hripa nokkrar línur hér inn þar sem ég sit nú uppi á þriðju hæð á ÍE og bíð efitr að PCRinn minn klárist.  Ég er sem sagt aftur komin í borgina en sem betur fer aðeins tímabundið.  Ef allt gengur eins og það á að gera þá ætti ég að vera komin norðu aftur næsta föstudagskvöld.  Ástæðan fyrir þessari suðurferð er sú að loksins loksins komu hin langþráðu sýni frá Svíþjóð.  Það hefur líklega ekki tekið svona langan tíma að koma pakka frá Svíþjóð til Íslands síðan samgöngur við umheimin einskorðuðust við vor- og haustskip.  Til að gera langa sögu stutta þá, bjuggust við fyrst við þessum pakka fyrir síðustu jól en reyndar fór hann nú ekki í póst fyrr en í byrjun maí á þessu ári og kom til landsins á sjálfan þjóðhátíðardaginn. 

Mér sýnist að það séu frændur okkar Svíar sem eiga metið í skriffinsku og kerfisflækjum og eftir að pakkinn var búin að sitja fastur á pósthúsi í Svíþjóð í mánuð (sem betur fer í kæli) var einhver aumingjans flikka, á leið til Íslands látin grípa hann með sér.  Það urðu nú samt allir pappírar að vera í lagi því flikkan var nú ekki alveg til að "smygla" þessu inn fyrir okkur.  Þetta var óneytanlega farið að minna á lélega bíomynd um smygl á ríkisleyndarmálum því tölvupóstar sem á milli manna fóru innihéldu setningar eins og "ef þú verður stöðvuð í eftirliti skaltu framvísa meðfylgjandi pappírum", " konan verður á umferðarmiðstöðinni milli 17 og 17:30 til að afhenda pakkan" og "ef eitthvað fer úrskeiðis skaltu hafa samband við....." .  En að lokum komst þetta þó allt til skila og því sit ég hér og bíð eftir PCR tækinu í stað þes að vera hjólandi milli Akureyrar og Svertingsstaða.

Og nú ætti tímin að vera tími til komin að kíkja á græuna

Þar til síðar

GEH

 http://www.mbl.is/mm/folk/frett.html?nid=1275008

Ég fór að vellta fyrir mér afhverju það er svona miklu flottara að vera piparsveinn en piparmey.  Ég er ekki viss um að ég sæi margar fyrirsagnir sem segðu.  "Eftirsóttasta piparmeyjan".  Hugsanlega er þetta eitthvað svipað og sú staðreynd að karlmenn eru ákveðnir en konur eru frekjur.  Karlmenn eru kvennamenn en konur eru lauslátar. 
Líkt of fyrri daginn eru Jón og Séra Jón alls ekki það sama eða ætti ég kannski að segja Jón og Jóna

http://www.ruv.is/heim/frettir/frett/store64/item159745/

Svona fer þegar karlmenn komnir yfir miðjan aldur fá að ráða.  Ég hvet hér með allra konur til að ganga úr kaþólsku kirkjunni. 

kveðja á fimmtudagsmorgni

GEH

http://www.mbl.is/mm/frettir/frett.html?nid=1274599

Æ hvað ég held að það sé eitthvað heft að vera Kínverji.  Þar má ekki nokkurn skapaðan hlut.  A.m.k ekki fyrr en miðaldra karlmenn í æðstu stöðum hafa lagt blessun sína yfir atferlið. Reyndar gæti nú verið varasamt að vekja mikin ástarbríma meðal þjóðarinnar (þ.e kínverja), mér skilst nefnilega að þeir séu nú þegar farnir að fjölga sér um of.  Svo kannski er þetta bara ein af fjölmörgum þjóðráðum sem þeir grípa til, með það að markmiði að stemma stigu við fólksfjölguninni.  Svo þegar allt kemur til alls verð ég að taka undir með ráðamönnum í Kína.  Þessi danskennsla er stórhættuleg, og getur haft voveiflegar afleiðingar í för með sér.  Stjórnlaust kynsvall, siðferðisleg upplausn og óstjórnleg fólksfjölgun.  Einnig er ljóst að þetta mun taka talsverðan tíma frá Kínverjum sem eiga um þessar mundir að vinna þarflegri hlutum s.s að búa til söluvarning fyrir ólympíuleikana, nú eða þræla upp á vatn og brauð í múrsteinsverksmiðjum í eigu framámanna í kommúnistaflokknum.  Ekki yrði nú fallegt til afspurnar ef gestir ólympíuleikana kæmu að hálfkláruðum húsum eða geti ekki notið þeirra sjálfsögðu mannréttinda að kaupa sér derhúfu eða lyklakyppu til mynja.  Já húrra fyrir Kína þeir hafa sko hlutina undir kontról, eru með forgangsröðina á hreinu.  Ekkert óþarfa mannréttindakjaftæði eða tuð, það hefur ekki góð áhrif á hagvöxtinn.  Guð sé lof að ég er ekki kínverji

Mér skilst að Eiður Smári sé til sölu.  Ég er að spá hvort ég ætti að kaupa hann.  Hann er sjálfsagt til margra hluta nýtilegur auk þess sem hann á sjálfsagt fullt af pening.  Ætli þeir fylgi ekki með í kaupunum.  Þetta gætu orðið kjarakaup - eða ekki

Aumingja seðlabankastjórarnir.  Þeir voru víst á alveg skammarlegum launum.  Rétt náðu að draga fram lífið.  Ekkert skrítið að þeir hafi verið farnir að hugsa um að skipta um vinnu.  Það er náttúrulega fullkomlega eðlilegt þegar menn hafa þurft að leggja hart að sér til að vinna sig upp í þessa stöðu.  Maður myndi nú ætla að menn þurfi að sýna gríðarlega hæfni í áralöngu starfi í fjármálaheiminum til að komast í stöðu seðlabankastjóra.  Menn sem komast í svona stöðu hljóta náttúrulega að vera fremstir þessu sviði.  Svona menn má Seðlabankinn alls ekki missa.  Guði sé lof að hættunni hefur verið bægt frá í bili og rétt jafnvægi komið á laun undirmanna og yfrimanna innan Seðlabankans.  Annars gæti fólk farið að halda að Seðlabankastjórar væru í raun óþarfir.